Daar is baie aktiwiteite op die terrein en in die omgewing om u tydens u verblyf te vermaak.

Gholf in die natuur

Vir ‘n lekker dag van gholf is daar die Hans Merensky Gholf Klub in Phalaborwa. Hierdie 18-putjie gholfbaan is ontwerp deur Bob Grimsdell en is ook aangewys as die beste gholfbaan (te voet) in die land en grens aan die Kruger Nasionale Park. Die ervaring om in die middel van die bos af te slaan is iets om te beleef. En moet nie verbaas wees as die apies uit kom en met jou gholfballe wil speel nie, aanvaar dit maar net en beweeg aan. Dit is wat dit so spesiaal maak om gholf in te bos te speel. Geniet die natuur en om pret te hê met die diere terwyl julle gholf speel.

Die Panoramaroete

Die Panoramaroete is verreweg een van die mees idilliese en mooiste roetes om te verken in Suid-Afrika.  Dit strek deur die Noordelike Drankensberge in die Mpumalanga provinsie.  Mens ry verby die Groot Eskarp en binnelandse plato waar dit skielik oor die Laeveld vlaktes uit strek.  Hierdie asemrowende uitsig is op sy beste in die droë wintermaande.  Maar moenie bekommerd wees nie!  Dit is asemrowend mooi reg deur die jaar so vat ’n rit per voertuig en geniet die Drie Rondawels, Pinnacle rock, God’s windown, die ongelooflike Bourkes Luck Potholes, die Berlin Watervalle en nog vele meer.